ಸಾಲು ಹನಿಗಳು -ಡಾ.ಖಾಡೆ

ಸಾಲು ಹನಿಗಳು
**************

                                           - ಡಾ.ಪ್ರಕಾಶ ಗ.ಖಾಡೆ

ಎಷ್ಟೊಂದು ಹೂ ಗಿಡಗಳನ್ನು
ಹಚ್ಚಿದ್ದಾರೆ ವರಾಂಡದಲ್ಲಿ;
ಕಣ್ತುಂಬಿ ಕೊಳ್ಳಬೇಕೆಂದರೆ
ಕಟ್ಟಿದ್ದಾರೆ ನಾಯಿ.

**********
ಸಂತೆಯಲ್ಲಿ ಸುಮ್ಮನೆ ಹೋದರೂ
ಏನು ಬೇಕೆಂದು ಕೇಳುತ್ತಾರೆ;

ಕಾವ್ಯ ಕಳಕೊಂಡಿದೆ
ಹುಡುಕಿ ಕೊಡುತ್ತಾರೇನು ?
***********
ಭಾವದೊಳಗಿನ
ಕಾವ್ಯ ತೆನೆ :
ಕುದಿದ ಹಾಲಿನ
ಆರಿ ಬಂದ ಕೆನೆ.
***********
ನಡೆದ ಹಾದಿಯ
ಪಡೆದ ಭಾಗ್ಯ :
ಸ್ನೇಹದೊಲುಮೆಯ
ಬೆಸುಗೆ ನಿತ್ಯ.
*********
ಬಿಸಿಲ ದಾರಿಯಲ್ಲಿ
ಮರದ ನೆರಳಿನ ಆಸರೆ.
ದಣಿದ ಮನಕೆ
ಕಾವ್ಯ ಕನ್ನಿಕೆಯ ಆ ಸೆರೆ.
********
ಕೆನೆಗಟ್ಟಿದ ಹಾಲು
ಕುದಿತದ ಸಮಯ ಬಯಸಿತು.
ಕಂಡರಿಸಿದ ಕಾವ್ಯ
ಧ್ಯಾನದ ಪರಿಯ ಬೆಸೆಯಿಸಿತು.
**********